Leikjafyrirtækið CCP þekkja flestir á Íslandi. Fyrirtækið var stofnað 1997 til að framleiða einn stærsta leikjaheim sinnar tegundar í heiminum, EVE online. Nú hefur CCP einnig gefið út leikinn Dust 514 og verið er að vinna í framleiðslu á öðrum stórum fjölspilunarleik sem nefnist World of Darkness. Í dag starfar þónokkur hópur útskrifaðra nemenda úr Margmiðlunarskólanum í CCP við ýmsar deildir þar.

CCP og MMS eru í nánum samskiptum, enda heimsækjum við þá reglulega, auk þess sem ýmsir heimsþekktir fagmenn sem starfa hjá CCP koma til okkar og kynna hvað þeir eru að fást við og hvernig þeir vinna.