Út er komin stutt lýsing á íslenska leikskólastiginu á ensku. Samantektin er hugsuð til gagns fyrir stjórnendur og kennara í leikskólum þegar útskýra þarf fyrsta stig skólakerfisins á ensku.

Haustið 2019 verður gefin út evrópsk samanburðarskýrsla um stöðu leikskólastigsins í Evrópu á vegum Eurydice samstarfsins sem Ísland er þátttakandi í. Tölulegar upplýsingar eru unnar af Menntamálastofnun og í aðdraganda þeirrar gagnasöfnunar var ákveðið að skrifa stutta greinargerð um leikskólastigið á ensku, sem gæti til dæmis nýst þegar erlenda gesti ber að garði.

Greinargerðin er til frjálsra nota fyrir þá sem telja að hún komi að gagni og fylgir hér.